У свой пакой я забраўся па трубе праз вакно(і чаму я не дадумаўся да гэтага раней). Як я і меркаваў, мая спадарожніца не прачнулася ад будзільніку, таму ролю апошняга прыйшлося выканаць мне. Між тым, да ад’езду заставалася 20 хвілін. Сабрацца ў дарогу за такі час для дзяўчыны – гэта катастрофа. Мне ж хапіла ўсяго некалькі хвілін. Карацей кажучы, якімсьці цудам мы ўсё ж такі паспелі на рэйс АС – Нью-Ёрк праз Філадэльфію. Па прыезду ў Філі ў нас было паўтары гадзіны вольнага часу, і мы накіраваліся да Звону Свабоды з рашучым намерам яго лізнуць.

Але была адна невялічкая перашкода – ахоўніца. На нашу просьбу дазволіць лізнуць Звон яна ўсміхнулася і адказала, што пасля з’яўлення HIMYM гэта пытанне стала FAQ#1. Зразумела, што яна адмовіла нам у нашай просьбе, таму атрымалася лізнуць толькі так:

Mission complete(partially).

На чарзе быў 'Вялікі Яблык'. Сустрэў ён нас не самым лепшым надвор'ем. Мы адразу накіраваліся да Empire State Building. Народу там было столькі, што яблыку не было дзе ўпасці(прашу прабачэння за тафталогію). Падняцца на 86-ы паверх каштуе 20д. 102-і - яшчэ +15д. Скажу адразу, пад'ём на 102 паверх не варты тых грошай, што мы за яго заплацілі.

Вось так выглядае Нью-Ёрк з 86-га паверха.

Толькі што ўзнікла праблема з устаўкай фотак, таму паспрабую закончыць расповед у наступным пасце.